एजेन्सी । इंग्लिस प्रिमियर लिग फुटबल क्लब म्यानचेस्टर युनाईटेडका पोर्चुगिज फरवार्ड क्रिस्टियानो रोनाल्डोमाथि अमेरिकी शिक्षिकासमेत रहेकी एक अमेरिकी महिलाले लगाएको बलात्कारको मुद्दा खारेज भएको छ । अमेरिकी न्यायाधीश जेनिफर डोर्सीले रोनाल्डोमाथि लगाईएको मुद्दा खारेज गरेका हुन् ।
उक्त महिलाले सन् २००९ मा लस भेगासको एक होटलमा रोनाल्डोले आफूमाथि बलात्कार गरेको आरोप लगाएकी थिइन् । यस्तै ती महिलाले सन् २०१८ मा रोनाल्डोविरुद्ध मुद्दा दर्ता गरेका थिइन् ।
तर आरोपित शिक्षिकाका वकिलले चुहावट र चोरीको रेकर्डको भरमा मुद्दा दर्ता गरिएको भन्दै अदालतले बलात्कार मुद्दा खारेज गरिएको हो । रोनाल्डोले भने सुरूदेखि नै बलात्कारको आरोप अस्वीकार गर्दै आईरहेका थिए ।
यस्तै बलात्कार मुद्दामा ती महिलाले रोनाल्डोसँग छुट्टै सम्झौता गरेको र ती आरोप सार्वजनिक नगरिने शर्तमा रोनाल्डोले ३ लाख ७५ हजार अमेरिकी डलर भुक्तानी गरिसकेको रिपोर्ट समेत बाहिर आएको थियो।
