असार १४ काठमाडौं । नवनिर्वाचित अखिल नेपाल फुटबल संघ (एन्फा) अध्यक्ष पंकजविक्रम नेम्वाङलाई अन्तर्राष्ट्रिय फुटबल संघ (फिफा)ले बधाई दिएको छ ।
फिफाका अध्यक्ष जियानी इन्फान्टिनोले आज एक पत्रमार्फत अध्यक्ष नेम्वाङलाई बधाई तथा शुभकामना सन्देश पठाएका छन् । उनले नवनिर्वाचित वरिष्ठ र उपाध्यक्ष र कार्यसमिति सदस्यहरूलाई पनि बधाई दिए ।
पत्रमा भनिएको छ, तपाईंको ज्ञान, नेतृत्व र अनुभवले नेपालमा हाम्रो सुन्दर खेलको विकासमा ठूलो प्रभाव पार्नेछ भन्ने मलाई विश्वास छ ।
अध्यक्ष इन्फान्टिनोले भने, नेपालको फुटबलको भविष्यका लागि दिगो विरासतको निर्माण र साक्षी बन्नको लागि म तपाईं र तपाईंको टोलीलाई आगामी सबै चुनौतीहरूको लागि शुभकामना र सफलताको कामना गर्दछु।
