असार २९ काठमाडौं । ए डिभिजन क्लब न्युरोड टिम (एनआरटी)ले तेस्रो मैत्रीपूर्णमा जित निकालेको छ ।
बुधबार थाइल्याण्डको तेस्रो डिभिजनको क्लब थोनबुरी युनाईटेडलाई एनआरटीले २-१ गोल अन्तरले हराएको हो ।
एनआरटीलाई जित दिलाउन मेसुके ओलुमोउ र दिपेश घलेले एक एक गोल गरे । यता घरेलु टोलीको लागि किटिपोङ सेङपोङले एक गोल गरे । यस अघि एनआरटीले दुई मैत्रीपूर्ण खेलमा हार ब्यहोरेको थियो ।
एनआरटीले यस अघि शीर्ष डिभिजनको क्लब चोनबुरी एफसी र तेस्रो डिभिजनको कासेम बन्डित युनिभर्सिटी एफसीसँग मैत्रीपूर्ण खेल खेलेको थियो । चोनबुरीसँग ९-० ले पराजित एनआरटी कासेमसँग ५-२ गोल अन्तरले पराजित भएको थियो । प्रि-सिजनको तयारीका लागि एनआरटीको टोली थाइल्याण्ड पुगेको हो ।
थाइल्याण्ड जानु अघि एनआरटीले मलेसियामा टुवान याङ टेरुतमा ९टीवाईटी० कप फुटबल प्रतियोगिता खेलेको थियो । उक्त प्रतियोगिताको दुबै खेलमा एनआरटीले हार व्यहोरेको थियो ।
