साउन ५ काठमाडौं । साफ यू-२० पुरुष च्याम्पियनसिप फुटबल प्रतियोगितामा नेपाली टोलीको कप्तानी आयुष घलानले गर्ने भएका छन् ।
टोलीका मुख्य प्रशिक्षक मेघराज केसीले मिडफिल्डर घलानले टोलीको नेतृत्व गर्ने जानकारी गराएका छन् । आयुष सिनियर राष्ट्रिय टोलीका नियमित सदस्य समेत हुन् । आयुषले राष्ट्रिय टोलीका लागि ७ खेलमा १ गोल गरिसकेका छन् ।
नेपालले साफ यू-२० का लागि २३ सदस्यीय टोलीको घोषणा गरिसकेको छ । नेपाली टोली भोलि शुक्रबार भारत प्रस्थान गर्ने छन् । भारतमा आयोजना हुने उक्त प्रतियोगितामा नेपालले आफ्नो पहिलो खेल माल्दिभ्सको सामना गर्नेछ । उक्त खेल भुवनेश्वरस्थित कालिङ्गा स्टेडियममा जुलाई २५ मा हुनेछ । यस प्रतियोगितामा आयोजक भारत, नेपाल, माल्दिभ्स, श्रीलंका र बंगलादेशको सहभागिता रहेको छ ।
