एजेन्सी । इंग्लिस प्रिमियर लिग म्यानचेस्टर युनाइटेडलाई मुख्य प्रशिक्षक टेन हागले खेल सकिनु अघि खेलाडीले मैदान छाड्ने स्वीकार्य नहुने बताएका छन् ।
गत आइतबार भएको रायो भालेकानोकोबिरूद्धको मैत्रिपुर्ण खेलमा प्रतिस्थापन भएपछि पोर्चुगलका फरवार्ड किस्टियानो रोनाल्डोले मैदान छाडेर बाहिरिएका थिए । ‘म यो सहन्न । कसैका लागि पनि मलाई यो स्वीकार्न सकिने हो जस्तो लाग्दैन,’ हागले भने, ‘हामी एक टिम हौं र अन्तिमसम्म बस्नै पर्छ ।’
सम्भव भएसम्म युनाइटेड छाड्ने मनसायमा रहेका पोर्चुगिज कप्तान रोनाल्डोलाई हागले सुरुआती ११ मा स्थान दिएका थिए । तर, ४६औं मिनेटमा हागले रोनाल्डोलाई निकालेर अमाद डियाल्लोलाई मैदान प्रवेश गरेका थिए ।
