साउन २९ काठमाडौं । आगामी सेप्टेम्बर ५ देखि १४ सेप्टेम्बरसम्म श्रींलकामा आयोजना हुने साफ यू-१७ च्याम्पियनसिपको खेल तालिका सार्वजनिक भएको छ ।
दक्षिण एसियाली फुटबल महासंघ साफले सार्वजनिक गरेको खेलतलिका अनुसार नेपालले आफ्नो पहिलो खेल भुटानसँग खेल्ने भएको छ । उक्त खेल सेप्टेम्बर ७ मा हुनेछ ।
समूह बी मा रहेको नेपालले आफ्नो दोस्रो खेलमा ९ सेप्टेम्बरमा भारतको सामना गर्नेछ ।
यता समूह ए मा आयोजक श्रीलंका, माल्दिभ्स र बंगलादेश रहेको छ । समूहको शीर्ष दुई टोलीले सेमिफाइनलमा स्थान बनाउने छन् । फाइनल सेप्टेम्बर १४ मा हुनेछ ।
