एजेन्सी । इंग्लिस प्रिमियर लिग फुटलमा जारी सिजन अन्तर्गत चौथो साताको खेलमा म्यान्चेस्टर युनाईटेड विजयी भएको छ ।
शनिबार भएको खेलमा पाहुना टोली युनाईटेडले घरेलु टोली साउथह्याम्प्टनमाथि १-० गोलको कठिन जित निकालेको हो ।
निकै प्रतिस्पर्धात्मक बनेको पहिलो हाफ गोलरहित बराबरीमा सकिएको खेल दोस्रो हाफमा भने युनाईटेडले गोल गर्न सफल भयो । उसका लागि खेलको ५५औं मिनेटमा ब्रुनो फनान्डेसले गोल गरि १-० गोलको अग्रता दिलाएका थिए । उनले डालाेट्को पासमा सानदार गोल गरेका हुन् ।
त्यस्तै दोस्रो हाफमा युनाईटेडले टोलीका भेट्रान्स फरवार्ड क्रिस्टियानो रोनाल्डो र क्यासेमेरोलाई मैदान उतारे पनि थप गोल भने हुन सकेन ।
उक्त जित सँगै युनाईटेडले लगातार दोस्रो खेलमा जित निकालेको छ । सुरुवाती दुई खेलमा पराजित भएको युनाईटेडले यस जित सँगै ६ अंक बनाएको छ ।
