भदौ १२ काठमाडौं । घरेलु टोली केन्याविरुद्धको तेस्रो टि२० खेलमा नेपालले पहिला बलिङ गर्ने भएको छ ।
नैरोवीस्थित जिमखाना क्रिकेट मैदानमा केन्याले टस जितेर पहिले ब्याटिङ रोजेपछि नेपालले पहिला बलिङको निम्तो पाएको हो ।
यस्तै केन्याविरुद्धको तेस्रो खेलका लागि सुरुवाती-११ मा पर्दै विकेटकिपर अर्जुन साउदले नेपालका लागि डेब्यु गरेका छन् । यस खेलमा नेपालले दुई खेलाडी परिवर्तन गरेको छ । आसिफ शेख र वसिर अहमेद बाहिर रहदा अर्जुन र शाहब आलमले सुरुआती -११ मा स्थान बनाएका छन् ।
घरेलु टोलीविरुद्ध मैदान उत्रदा नेपाल दोस्रो जितको खोजीमा हुनेछ ।
