भदौ १२ काठमाडौं । घरेलु टोली केन्या विरुद्धको ५ खेलको टि२० सिरिज अन्तर्गत तेस्रो खेलमा ४ विकेटले विजयी हुँदै नेपालले २-१ को अग्रता बनाएको छ ।
आइतबार नैरोवीस्थित जिमखाना क्रिकेट मैदानमा केन्याले दिएको १५७ रनको प्रतिस्पर्धात्मक लक्ष्य नेपालले १९.३ ओभरमा ६ विकेटको क्षति लक्ष्य पूरा गर्यो ।
नेपालका लागि पूर्व कप्तान ज्ञानेन्द्र मल्लले सर्वाधिक ४६ रनको योगदान दिए । भने डेब्यु खेलाडी अर्जुन साउदले सानदार प्रदर्शन रह्यो उनले ३५ रन बनाए । यस्तै उपकप्तान रोहित कुमार पौडेलले २९ रनको इनिङ खेले भने, पवन सराफ २०,मोहम्मद आदिल आलम १६ रन बनाउँदा दिपेन्द्र सिंह एैरि ६ रनमा आउट आरिफ शेख ४ रनमा नटआउट रहे ।
त्यसअघि टस जितेर पहिले ब्याटिङ रोजेको केन्याले २० ओभरमा २ विकेट गुमाउँदै १५६ रन बनाएको थियो । केन्याका लागि राकेप राजेन्द्र पटेलले सर्वाधिक ७७ रनमा नटआउट रहँदा इरफान अली ५५ रनको योगदान दिए । यस्तै कोलिन्स ओबुया १४ रन बनाउँदा सुखदीप सिंह ले ८ रन बनाए ।
यता नेपालका लागि सोमपाल कामी र मोहम्मद आदिल आलमले १/१ विकेट लिए । उक्त जितसँगै नेपालले पाँच खेलको सिरिजमा २-१ को अग्रता बनाएको छ ।
