भदौ १३ काठमाडौं । भदौ २१ देखि असोज ३ गतेसम्म त्रिपुरेश्वरस्थित दशरथ रंगशालामा आयोजना हुने महिला साफ च्याम्पियनसिप फुटबलको लागि पाकिस्तानको राष्ट्रिय महिला फुटबल टोली काठमाडौंमा आईपुगेका छन् ।
अखिल नेपाल फुटबल संघ एन्फाका अनुसार पाकिस्तानको टोली सोमबार विहान २४५ बजे त्रिभुवन अन्तराष्ट्रिय विमान स्थालमा अवतरण गरेका हुन् । उक्त टोलीलाई पूर्व सह सदस्य मनिष जोशी र सरिला श्रेष्ठ स्वागत गरेका थिए । यस अघि गत बिहिवार भुटानको टोली काठमाडौं आइसकेका छन् ।
महिला साफमा सात राष्ट्रको सहभागिता रहेको छ । सहभागी ७ टोलीलाई दुई समूहमा विभाजन गरेको छ । समूह ए मा साविक विजेता भारत, माल्दिभ्स, बंगलादेश र पाकिस्तान रहेको छ भने समुह बी मा आयोजक नेपालसॅंगै श्रीलंका र भुटान रहेका छन् ।
