भदौ १६ काठमाडौं । साविको विजेता पिएसजीले फ्रेन्च लिग वान अन्तर्गत टोउलोउसविरुद्ध सहज जित हासिल निकालेको छ ।
गएराती सम्पन्न भएको खेलमा पिएसजीले टोउलोउसलाई ३-० गोल अन्तरले पराजित गरेको हो । पिएसजीको जितमा नेएमार, किलियन एम्बाप्पे र जुआन बेर्नाटले १/१ गोल गरेका थिए ।
उक्त जितसँगै पिएसजीको जारी सिजनको लिगमा चौथो जित हो । ५ खेलमा ४ जित र एक बराबरी खेलेको पिएसजीको ५ खेलमा १३ अंक भएको छ र अंकतालिकामा शिर्ष स्थानमा रहेको छ ।
त्यस्तै टोउलोउसको ५ खेलमा ५ अंक रहेको छ र अंक तालिकामा १३औं स्थानमा रहेको छ ।
