भदौ १६ काठमाडौं । इंग्लिस प्रिमियर लिग अन्तर्गत पाँचौं साताको खेलमा लिभरपुलले न्युक्यासलविरुद्ध पुनरागमन जित निकालेको छ । गएराती सम्पन्न भएको खेलमा लिभरपुलले न्यूक्यासलविरुद्ध २-१ गोल अन्तरले जित निकालेको हो ।
लिभरपुलको जितमा रोबेर्टो फिर्मिनो र फाबिओ कार्भालहोले गोल गरे । खेलमा १-० गोलले पछि परेको अबस्थामा लिभरपुलले २-१ गोलको जित निकालेको हो ।
खेलको ९८औं मिनेटमा फाबिओ कार्भालहोले निर्णायक गोल गर्दै जिताएका हुन् । यसअघि न्यूक्यासलले खेलको ३८औं मिनेटमा अलेक्जेन्डर इसकको गोलमा अग्रता लिएको थियो । तर खेलको ६१औं मिनेटमा रोबेर्टो फिर्मिनोले गोल गर्दै लिभरपुललाई खेलमा फर्काएका थिए ।
उम्त जितसँगै लिभरपुलले जारी सिजन दोस्रो जित निकालेको छ । ५ खेलमा २ जित, २ बराबरी र एक हारसहित लिभरपुलको ८ अंक रहेको छ । त्यस्तै न्यूक्यासलको भने यस सिजनमा यो पहिलो हार हो । अहिलेसम्म ५ खेलमा एक जित, ३ बराबरी र एक हारसहित न्युक्यासलको ६ अंक रहेको छ ।
