एजेन्सी । यूइएफए नेसन्स लिग अन्तर्गत समूह चरणको खेलमा पोर्चुगलले चेक रिपब्लिकलाई फराकिलो गोल अन्तरले पराजित गरेको छ । गएराती सम्पन्न खेलमा पोर्चुगलले चेक रिपब्लिकलाई ४-० गोल अन्तरले पराजित गरेको हो ।
पोर्चुगलको जितमा डिओगो डालोटले २ गोल गरेका थिए । त्यस्तै ब्रुनो फेर्नानडेज र डिओगो जोटाले एक एक गोल गरेका थिए ।
उक्त जितसँगै नेसन्स लिगको समुह २ मा रहेको पोर्चुगलको ५ खेलमा १० अंक भएको छ र समुहमा शिर्ष स्थानमा रहेको छ ।
त्यस्तै चेक रिपब्लिकको भने ५ खेलमा ४ अंक रहेको छ । पोर्चुगलले अब अर्को खेल सेप्टेम्बर २८ मा स्पेनविरुद्ध खेल्ने छ ।
यस्तै सोहि समूहको अर्को खेलमा स्पेन घरेलु मैदानमै स्वीट्जरल्याण्डसँग २-१ गोलले पराजित भएको छ ।
