काठमाडौँ । इंग्लिस प्रिमियर लिग फुटबलमा चेल्सीले एस्टन भिल्लालाई हराएको छ ।
आइतबार राति सम्पन्न खेलमा चेल्सीले एस्टन भिल्लालाई २-० गोल अन्तरले पराजित गरेको हो ।
चेल्सीको जितमा दुवै गोल मासन माउन्टले गरेका हुन् । उनले खेलको छैटौं र ६५औँ मिनेटमा गोल गरेका थिए ।
उक्त जितसँगै चेल्सीको यो यस सिजनमा छैटौं जित निकालेको छ । चेल्सीको ९ खेलमा १९ अंक भएको छ र लिगमा चौथो स्थानमा रहेको छ । त्यस्तै एस्टन भिल्लाको १० खेलमा ९ अंक रहेको छ र लिगमा १६औ स्थानमा रहेको छ ।
