काठमाडौँ । यूरोपको सबैभन्दा ठूलो क्लब फुटबल प्रतियोगिता यूइएफए च्याम्पियन्स लिगको समुह चरणबाट बार्सिलोना बाहिरिएको छ ।
बुधवार राति सम्पन्न भएको समुह सी अन्तर्गतको खेलमा बायर्न म्युनिखसँग ३-० गोल अन्तरले पराजित भएसँगै बार्सिलोना च्याम्पियन्स लिगको समुह चरणबाट बाहिरिएको हो ।
घरेलु टोली बायर्न म्युनिखको जितमा साडियो माने, एरिक म्याक्सिम र बेन्जामिन पाभार्डले १/१ गोल गरेका थिए ।
उक्त जितसँगै समुह सी बाट बायर्न म्युनिखले ५ खेलमा सबै खेल जितेर १५ अंकसहित यसअघि नै नकआउट चरणमा पुगिसकेको छ भने यस समुह बाट इन्टर मिलान नकआउट चरणमा पुगेको छ ।
त्यस्तै बार्सिलोना लगातार दोस्रो बर्ष समुह चरणबाट बाहिरिएको छ । यस समुहबाट भिक्टोरिया प्लेजेन पनि बाहिरिएको छ ।
