काठमाडौं । इंग्लिस प्रिमियर लिग फुटबल क्लब म्यानचेस्टर युनाइटेड युइएफए युरोपा लिगको नकआउट चरणमा पुगेको छ ।
बिहिवार राति सम्पन्न भएको समुह इ अन्तर्गतको खेलमा म्यानचेस्टर युनाइटेडले शेरिफलाई ३-० गोल अन्तरले पराजित गर्दै नकआउट चरणमा आफ्नो स्थान सुरक्षित गरेको हो ।
म्यानचेस्टर युनाइटेडको जितमा डिओगो डालोट, मार्कस राशफोर्ड र क्रिस्टियानो रोनाल्डोले १/१ गोल गरेका गरे ।
यस्तै पछिल्लो समय क्लबमा विवादित बनेका रोनाल्डो टिममा फर्किए खेलेको खेलमा गोल गरेर सुखद सुरुवात गरेका छन् ।
उक्त जितसँगै म्यानचेस्टर युनाइटेडको समुह इ मा ५ खेलमा १२ अंक भएको छ । यस समुहबाट रियल सोसियडाड र म्यानचेस्टर युनाइटेड नकआउट चरणमा पुग्ने निश्चित भएको छ ।
त्यस्तै शेरिफ र ओमोनोइया भने नकआउट चरणबाट बाहिरिएका छन् ।
