काठमाडौँ । इंग्लिस प्रिमियर लिग फुटबलमा म्यानचेस्टर युनाइटेडले वेस्टह्याम युनाइटेडलाई हराएको छ ।
आइतबार राति सम्पन्न भएको खेलमा म्यानचेस्टर युनाइटेडले वेस्टह्यामलाई १-० गोल अन्तरले पराजित गरेको हो ।
युनाइटेडको जितमा खेलको ३८औँ मिनेटमा मार्कस राशफोर्डले गरेको गोल नै खेलको निर्णायक गोल बनेको थियो ।
उक्त जितसँगै युनाइटेडले १२ खेलमा २३ अंक भएको छ र लिगमा पाँचौ स्थानमा उक्लिएको छ । यता पराजित वेस्टह्याम युनाइटेडको भने १३ खेलमा १४ अंक छ र लिगमा १३औं स्थानमा रहेको छ ।
