काठमाडौँ । स्पेनिस ला लिगा फुटबलमा साविको विजेता रियल म्याड्रिड गिरोनासँग बराबरीमा रोकिएको छ ।
आइतबार राति सम्पन्न भएको खेलमा रियल म्याड्रिडलाइ गिरोनाले १-१ गोलको बराबरीमा रोकेको हो ।
रियल म्याड्रिडका लागि भिनिसियस जुनियरले खेलको ७०औ मिनेटमा गोल गर्दै सुरुवाती अग्रता दिलाएका थिए । तर खेलको ८०औं मिनेटमा गिरोनाले पाएको पेनाल्टीकाइ गोल गर्दै क्रिस्टियन स्टुआनीले खेल बराबरी गरेका थिए ।
यस खेलमा रियल म्याड्रिडका टोनी क्रुजले खेलको ९१औ मिनेटमा दोहोरो पहेलो कार्ड पाएपछि रातो कार्ड पाउदै मैदान छोडेका थिए ।
उक्त बराबरीसँगै रियल म्याड्रिडको १२ खेलमा ३२ अंक भएको छ र लिगको शिर्ष स्थानमा उक्लिएको छ । यस खेलपछि रियल म्याड्रिड दोस्रो स्थानमा रहेको बार्सिलोनाभन्दा एक अंकले मात्र अगाडी रहेको छ । यता गिरोनाको भने १२ खेलमा १० अंक भएको छ र लिगमा १६औं स्थानमा रहेको छ ।
