काठमाडौं । यूरोपको सबैभन्दा ठूलो क्लब फुटबल प्रतियोगिता यूइएफए च्याम्पियन्स लिग फुटबलमा फ्रेन्च क्लब पेरिस सेन्ट जर्मेन पीएसजीले जित निकालेको छ । बिहीबार राति भएको खेलमा पीएसजीले इटालियन क्लब युभेन्ट्सलाई २-१ ले हराएको हो ।
पीएसजीको जितमा केलियन एमबाप्पे र नुनो मेन्डेसले १/१ गोल गरे भने युभेन्ट्सका लागि लियोनार्दो बुनिचीले सान्त्वना गोल गरे ।
खेलको १३ औं मिनेटमा केलियन एमबाप्पेले गोल गर्दै पीएसजीलाई सुरुआती अग्रता दिलाएका थिए ।
खेलको ३९ औं मिनेटमा लियोनार्दो बुनिचीले गोल गर्दै युभेन्ट्सलाई १-१ गोलको बराबरीमा ल्याए । त्यसपछि खेलको ६९ औं मिनेटमा नुनो मेन्डेसले गोल गर्दै पीएसजीलाई २-१ को जित दिलाए ।
उक्त जितसँगै पीएसजीले ६ खेलमा १४ अंक जोडेको छ । पीएसजी समूह ुएचु को समूह उपविजेता बन्दै नकआउट चरणमा पुगेको छ । युभेन्ट्स भने समूह चरणबाट बाहिरिएको छ । तेस्रो स्थानको युभेन्ट्सले ३ अंक जोड्यो । यस समूहबाट बेन्फिका समूह विजेता बन्दै नकआउट चरणमा पुगेको छ
