काठमाडौँ । इंग्लिस प्रिमियर लिग अन्तर्गत १५औं साताको खेलमा म्यानचेस्टर सिटीले फुलह्यामलाई हराएको छ ।
शनिवार राति सिटीको घरेलु मैदानमा सम्पन्न खेलमा इर्लिंग हालाण्डको निर्णायक गोलमा २-१ को जित हासिल गरेको हो ।
हालाण्डले खेलको ९५औं मिनेटमा म्यानचेस्टर सिटीले पाएको पेनाल्टीलाई गोलमा परिणत गर्दै जित दिलाएका थिए ।
त्यसअघि सिटीका लागि खेलको १६औं मिनेटमा जुलियन अल्भारेजले गोल गरेका थिए भने खेलको २८औं मिनेटमा आन्द्रेज पेरेइराले पेनाल्टीबाट गोल गर्दै फुलह्यामका लागि ११ गोलको बराबरी अबस्थामा ल्याएका थिए ।
यस खेलमा सिटीका रक्षक जोआओ कान्सेलोले खेलको २६औं मिनेटमा रातो कार्ड पाएपछि म्यानचेस्टर सिटी १० खेलाडीमा सिमित भएको थियो ।
उक्त जितसँगै म्यानचेस्टर सिटीको १३ खेलमा ३२ अंक भएको छ र लिगमा शिर्ष स्थानमा उक्लिएको छ । त्यस्तै एक खेल कम खेलेको आर्सनलको १२ खेलमा ३१ अंक रहेको छ । यता पराजित फुलह्यामको १४ खेलमा १९ अंक रहेको छ र लिगमा आठौँ स्थानमा छ ।
