काठमाडौं । काठमाडौंमा जारी पीएम कप क्रिकेटमा सुदूपश्चिम प्रदेशले पहिलो जित निकालेको छ ।
सोमवार मुलपानी क्रिकेट मैदानमा भएको खेलमा सुदूरले कर्णाली प्रदेशलाई ५ विकेट हराएको हो ।
कर्णालीले दिएको १५१ रनको लक्ष्य पछाएको सुदूरले २९.४ ओभरमा ५ विकेटको क्षतिमा पूरा गर्यो ।
सुदूरको जितमा गजेन्द्र बोहोराले सर्वाधिक ४१ रन बनाए । यस्तै सेर मल्लले अविजित ३४ रन बनाउँदा कप्तान राजु रिजाल २४ मा अविजित रहे । टेक रावल १८, तथा विरेन्द्र नाथले ९ रन बनाए ।
यता कर्णालीका लागि कप्तान रविन्द्र जंग शाहीले ३ विकेट लिए भने दिवान पुनले २ विकेट हात पारे ।
त्यस अघि पहिला ब्याटिंग गरेको कर्णाली प्रदेशले ३८.१ ओभरमा १५० रनमा अलआउट भएको थियो ।
उक्त जितसँगै सुदूरले पहिलो जित निकालेको छ । तर यसअघि नै बाहिरि सकेको सुदूरले २ अंक जोडेको छ । यता पराजित कर्णाली पनि बाहिरिएको छ ।
