काठमाडौं । काठमाडौंमा जारी पीएम कप राष्ट्रिय पुरुष क्रिकेट प्रतियोगिता अन्तर्गत समूह बी को अन्तिम खेलमा विभागिय टोली नेपाल पुलिस क्लबले समूह विजेता बन्नको लागि मधेस प्रदेशलाई २७४ रनको लक्ष्य दिएको छ ।
त्रिवि क्रिकेट मैदानमा टस जितेर पहिला ब्याटिंग रोजेको पुलिसले ४९।१ ओभरमा सबै विकेट गुमाएर २७३ रन बनाए पछि मधेसले २७४ रनको लक्ष्य पाएको हो ।
पुलिसका लागि आरिफ शेख, अमृत श्रेष्ठ र कप्तान दिपेन्द्र सिंह ऐरीले अर्धशतकीय इंनिग खेले । आरिफ शेखले ८६ बलमा ८ चौका र १ छक्काको मद्यतमा ७३ रनमा आउट भए । यस्तै अमृत श्रेष्ठ ९६ बलमा ९ चौकासहित ६५ रन बनाए । यता कप्तान ऐरीले ४३ बलमा ५१ बनाउँदै रुपेस सिंहको बलमा रोहन विकले क्याच आउट गरे ।
दिलिप नाथ ३१ बलमा ३ छक्का र १ चौकासहित ४० रनमा हाउट भए । ओपनर सुनिल धमला ११ बनाए ।
यता मधेशका लागि रुपेस सिंह र राजेश यादवले ३३ विकेट लिए । यता मोहम्मद आदिल आलम २, हरिशंकर शाह र विशाल पटेल ११ विकेट लिए । यो खेलको विजेता टोली समूह विजेता बन्ने छ ।
