काठमाडौं । पाकिस्तान अष्ट्रेलियामा जारी टी २० विश्वकपको फाइनलमा प्रवेश गरेको छ ।
बुधवार सिड्नी क्रिकेट ग्राउण्डमा भएको खेलमा न्यूजील्याण्डले दिएको १५३ रनको लक्ष्य पाकिस्तानले १९.१ ओभरमा पूरा गर्दै ७ विकेटले पराजित गरेको छ ।
पाकिस्तानको लागि कप्तान बाबर आजाम र मोहम्मद रिजवानले अर्धशतकीय इनि खेले । मोहम्मद रिजवानले ४३ बलमा ५ चौकाको मद्यतमा ५७ रन बनाए भने कप्तान मोहम्मद आजाम ४२ बलमा ७ चौकाको सहयोगमा ५३ रन जोडे । मोहम्मद हरिसले २६ बलमा ३० रन बनाए ।
यता न्यूजील्याण्डका ट्रेन्ट बोल्टले २ र मिचेल सैन्टनर १ विकेट लिए ।
त्यसअघि टस जितेर पहिला ब्याटिंग गरेको न्यूजील्याण्डले २० ओभरमा ४ विकेट गुमाउदै १५२ रन बनाएको हो ।
न्यूजील्याण्डका लागि डार्यल मिचेलले अविजित ५३ रन बनाए भने कप्तान केन विलियम्सनले ४६ रन बनाए ।
त्यस्तै डेभोन कोनवेले २१ रन बनाए भने जेम्स निशामले १६ रन बनाए । त्यस्तै फिन एलेनले ४ र ग्लेन फिलिपले ६ रनको योगदान दिएका थिए ।
त्यस्तै पकिस्तानका बलर शाहिन शाह अफ्रिदीले २ विकेट लिए भने मोहमद नवाजले एक विकेट लिएका थिए ।
उक्त जितसँगै पाकिस्तान फाइनलमा प्रवेश गरेको छ । अब पाकिस्तानले उपाधिका लागि इंग्ल्याण्ड र भारत बिचको विजेतासँग खेल्नेछ ।
