काठमाडौं । बंगलादेशमा जारी साफ यू-१५ महिला च्याम्पियनसिप फुटबल प्रतियोगितामा नेपालले तेस्रो जित निकालेको छ ।
बुधवार बंगलादेशको ढाकामा भएको खेलमा नेपालले भुटानलाई १-० गोलले पराजित गरेको हो ।
पहिलो हाफ गोलरहित बराबरी खेलेको नेपालले खेलको ४९औं मिनेटमा गोल गरेको हो । नेपालका लागि सेनु परियारले गोल गरि १-० गोलको अग्रता दिलाएकी हुन् । उक्त गोल नै नेपालको जितमा प्रयाप्त बन्यो ।
यो सँगै नेपालले लगातार तेस्रो जित निकालेको छ । नेपाल ९ अंक बनाउादै अंक तालिकाको शीर्ष स्थानमा उक्लिएको छ । यता पराजित भुटान ४ खेल नै पराजित भएको छ ।
