काठमाडौँ । साविक विजेता फ्रान्सले कतार विश्वकप फुटबल खेल्ने आफ्नो अन्तिम टोलीको घोषणा गरेको छ । फ्रान्सका मुख्य प्रशिक्षक डिडियर डेसचाम्प्सले विश्वकप खेल्ने २५ सदस्यीय टिमको घोषणा गरेका छन् ।
१६औं पटक विश्वकप फुटबलमा सहभागी हुन लागेको फ्रान्सले १९९८ र २०१८ मा विश्वकपको उपाधि जितेको थियो ।
फ्रान्स समुह डी मा रहेको छ । यो समुहमा फ्रान्ससँगै अस्ट्रेलिया, डेनमार्क र ट्युनिसिया रहेका छन् । इन्जुरीका कारण टोलीमा पाउल पोग्वा र एन्गोलो कोन्टे बाहिर रहेका छन् । त्यस्तै प्रशिक्षकले रियल म्याड्रिडबाट खेल्ने फेरल्याण्ड मन्डी र म्यानचेस्टर युनाइटेडका एन्थोनी मार्सियललाई टिममा समावेश गरेका छैनन् ।
फ्रान्सले आफ्नो पहिलो खेल नोभेम्बर २३ मा अस्ट्रेलियाविरुद्ध खेल्दै छ भने दोस्रो खेल डेनमार्कविरुद्ध नोभेम्बर २६ मा खेल्दै छ । त्यस्तै तेस्रो खेल ट्युनिसियाविरुद्ध नोभेम्बर ३० मा खेल्ने तालिका रहेको छ ।
यस्तो छ फ्रान्सको टोली :
गोलकिपर : अल्फोनसे अरेओला, हुगो लुइस, स्टिभ मनडानडा
डिफेन्डर : विलियम सलिबा, राफेल भरान, इब्राहिम कोन्टे, प्रेसनेल किमपेम्बे, बेन्जामिन पाभार्ड, डायोट उपामेकानो, लुकास हर्नानडेज, थियो हर्नानडेज, जुलेस कुण्डे
मिडफिल्डर : यडुआर्डो कामाभिन्गा, माटेओ गुएनडोउजी, एड्रीयन रोबीओट, अरेलिएन टिचोउआमेनी, जोर्डन भेरेटोउट, युसुफ फोफाना
फरवार्ड : एन्टोनी ग्रीजम्यान, ओलिभर जिराउड, ओसमान डेम्बेले, किलीयन एम्बाप्पे, करिम बेन्जमा, किंग्सले कोम्यान, क्रिस्टोफर एनकुनकु
