काठमाडौं । विभागीय टोली नेपाल एपीएफ जारी पीएम एकदिवसीय राष्ट्रिय पुरुष क्रिकेटको फाइनलमा प्रवेश गरेको छ ।
टियु क्रिकेट मैदानमा मधेसले दिएको १२३ रनको सामान्य लक्ष्य एपीएफले २१.३ ओभरमा ३ विकेटको क्षतिमा पूरा गर्यो ।
एपीएफको जितमा लोकेश बम ३५ रनमा नटआउट रहे । यस्तै प्रदिप ऐरी ३३ रन, आसिफ शेख २५ र सुमित मर्जनले १३ रन बनाए । यता मधेसका लागि रुपेस सिंहले २ विकेट र राजेश यादवले १ विकेट लिए ।
त्यसअघि टस हारेर पहिले ब्याटिङ गरेको मधेस एपीएफको कसिलो बलिङ सामू ३१ ओभरमा सबै विकेट गुमाए र १२२ रनमा समेटियो ।
मधेसका लागि भुपेस सिंहले सर्वाधिक ३४ रन बनाए । यस्तै सन्तोष कार्कीले २० रन, इमरान शेखले १६ रन, अनिल शाह १३ रन, महोमद आदिल ११ रन र राजेश यादवले १० रन बनाए ।
यता एपीएफका लागि कमल ऐरीले ४ विकेट लिए । यस्तै भुवन कार्की र मैसम ढकालले २/२ विकेट लिए भने किशोर महत्वोले एक विकेट हात पारे ।
उक्त जितसँगै एपीएफले फइनमा दोस्रो सेमिफाइनल खेलको विजेतासँग खेल्नेछ । दोस्रो सेमिफाइनलमा पुलिस र आर्मी खेल्नेछन् ।
