काठमाडौं । घरेलु मैदानमा हुने नेपाल र पाकिस्तानबीचको मैत्रीपूर्ण खेलको टिकट मूल्य तय भएको छ । अखिल नेपाल फुटबल संघ एन्फाले विहिवार पत्रकार सम्मेलन गरि जानकारी गराएको हो ।
एन्फाले सामान्य प्यारापिटतर्फ ५ सय र भिआइपीतर्फ १ हजारको टिकट दर निर्धारण गरिएको जनाएको छ ।
त्रिपुरेश्वरस्थित दशरथ रंगशालामा कात्तिक ३० गते नेपाल र पाकिस्तानबीचको मैत्रीपूर्ण आयोजना हुँदैछ ।
मैत्रीपूर्ण खेल फिफा डे अन्तर्गत हुनेछ । खेल साँझ ५:३० बजे सुरु हुनेछ ।
यस्तै एन्फाले टिकट काटेर हेर्ने एक भाग्यशाली दर्शकले कतारमा आयोजना हुने फिफा विश्वकप २०२२ अन्तर्गत ब्राजिल र क्यामरुनबीचको खेलको टिकट पाउने जनाएको छ । विजेता गोलापर्थाद्वारा छनोट गरिने एन्फाले जनाएको छ ।
एन्फाले विश्वकप अन्तर्गत ब्राजिल र क्यामरुनबीचको खेलका लागि ८० वटा टिकट बिक्रिका लागि राखिने जनाएको छ । टिकट दर ५ हजार राखिएको छ ।
मैत्रीपूर्ण खेलका लागि पाकिस्तानको टिम आइतबार नेपाल आईपुग्ने छन् । नेपालले मुख्य प्रशिक्षक प्रवेश कटुवालको नेतृत्वमा तयारी गरिरहेको छ ।
