काठमाडौं । अष्ट्रेलियामा जारी टी२० विश्वकपको दोस्रो सेमिफाइनल खेलमा भारतमाथि सानदार जित निकाल्दै इंग्ल्याण्ड फाइनलमा प्रवेश गरेको छ ।
भारतले दिएको १७९ रनको मध्यम लक्ष्य इंग्ल्याण्डले १६ ओभरमा विना विकेटको क्षेतिमा पूरा गर्यो ।
इंग्ल्यान्डको जितमा ओपनरद्वय जोस बट्लर र एलेक्स हालेसले कीर्तिमानी साझेदारी गरे । अर्धशतकीय इनिङ खेलेका एलेक्स ८६ रन र कप्तान बल्टर ८० रनमा अविजित रहे ।
त्यसअघि टस हारेर पहिले ब्याटिङ गरेको भारतले २० ओभरमा ६ विकेट गुमाएर १ सय ६८ रन बनाएको थियो ।
भारतका लागि हार्दिक पाण्डयले सर्वाधिक ६३ रनको अर्धशतकीय इनिङ खेले । यस्तै विराट कोहलीले ५० रनको अर्धशतकीय इनिङ खेले । रोहित शर्मा २७ रन र सूर्यकुमार यादव १४ रनमा आउट भए ।
यता इंग्ल्यान्डका क्रिस जोर्डनले ३ विकेट लिए । क्रिस वोक्स र आदील राशिदले १र१ विकेट लिए ।
अब इंग्ल्यान्डले उपाधिका लागि पाकिस्तानसँग प्रतिस्पर्धा गर्नेछ । पाकिस्तानले पहिलो सेमिफाइनलमा न्युजिल्याण्डलाई ७ विकेटले पराजित गरि फाइनलमा स्थान बनाईसकेको छ । फाइनल खेल आइतबार हुनेछ ।
