काठमाडौं । प्रधानमन्त्री एकदिवसीय राष्ट्रिय पुरुष क्रिकेट प्रतियोगितामा एपीएफले पहिला बलिङ गर्ने भएको छ ।
एपीएफले टस जितेर बलिङ रोजेको हो । टस ढिला भएको कारण खेल ४० ओभरको हुनेछ ।
शुकबार भएको दोस्रो सेमिफाईनल खेलमा नेपाल पुलिस क्लबलाई पराजित गरि आर्मी फाइनलमा पुगेको हो । पुलिसविरुद्धको खेल आर्मीले १ बल बाकीँ रहँदा २ विकेटले खेल जितेको थियो ।
नेपाल एपीएफ क्लब पहिलो सेमिफाइनलमा बिहीबार मधेश प्रदेशलाई पराजित गरेर फाइनलमा प्रवेश हो । यस अघि यसै संस्करणको समूह चरणमा भएको खेलमा आर्मी ५६ रनले पराजित भएको थियो ।
यस प्रधानमन्त्री कप एकलिवसीय राष्ट्रिय क्रिकेट प्रतियोगितामा आर्मी पाँचौ पटक फाईनल पुगेको हो । यता, एपीएफ भने तेस्रो पटक फाईनल पुगेको हो ।
प्रतियोगिताको विजेताले १० लाख नगद पुरस्कार पाउने छन्। यस्तै उपविजेताले ५ लाख पाउने छन् ।
त्यस्तै उत्कृष्ट खेलाडीले ५० हजार, उत्कृष्ट बलर र ब्याट्सम्यानले २० हजार तथा इमर्जिङ प्लेयरले १० हजार पाउने छन्।
