काठमाडौं । फिफा विश्वकप २०२२ अन्तर्गत अर्जेन्टिनाले साउदी अरेबियाविरुद्धको पहिलो हाफमा अग्रता बनाएको छ ।
साउदी अरेबियाविरुद्धको पहिलो हाफको खेलमा अर्जेन्टिनाले १-० गोलको अग्रता बनाएको हो ।
अअर्जेन्टिनाको लागि खेलको १०औं मिनेटमा कप्तान मेस्सीले पेनाल्टी मार्फत गोल गरि सुरुवात दिलाएका हुन् ।
तर आक्रमक खेलेको अर्जेन्टिनाको तीन गोल अफसाइड भएको छ ।
खेलको २२औँ मिनेटमा मेस्सीले गोल गर्दै खुशियाली मनाए । तर अफसाइड भएसँगै त्यो गोलले मान्यता पाएन । खेलको २९औँ मिनेटमा अर्जेन्टिनाका लौटारो मार्टिनेजले गोल गरे । तर भिडियो एसिस्टेन्ट रेफ्रि (भीएआर) ले यो गोललाई पनि मान्यता दिएन । मार्टिनेजले अफसाइड गोल गरेका थिए ।
खेलको ३५औँ मिनेटमा मार्टिनेजले नै गोल गरे । तर यो गोल पनि अफसाइड भयो । योसँगै अर्जेन्टिनाले गरेको तीन गोल अफसाइड भएको छ ।
