काठमाडौँ । कतारमा जारी फिफा विश्वकप फुटबल अन्तर्गत पोल्याण्ड र मेक्सि बराबरीमा रोकिएका छन् ।
मंगलबार भएको खेलमा पोल्याण्ड र मेक्सिको गोलरहित बराबरीमा रोकिएका हुन् ।
खेलमा पोल्याण्डका लागि रोबेर्ट लेवानडोस्कीले खेलको ५८औं मिनेटमा पाएको पेनाल्टी मेक्सिको गोलकिपरले रोकेपछि पोल्याण्डले अग्रता लिने अवसर गुमाएको थियो ।
हालसम्म विश्वकपमा गोल नगरेका लेवानडोस्कीले विश्वकपमा आफ्नो पहिलो गोल गर्ने अवसर पनि गुमाएका छन् ।
उक्त बराबरीसँगै समुह सीमा साउदी अरेबियाले अर्जेन्टिनालाई २-१ ले पराजित गर्दै ३ अंक बटुलेको छ भने पोल्याण्ड र मेक्सिकोको १-१ अंक भएको छ । त्यस्तै अर्जेन्टिनाले पहिलो खेलमा हार बेहोरेर अंकविहिन रहँदै पूछारमा छ ।
