काठमाडौँ । जारी विश्वकप फिफा विश्वकप फुटबल प्रतियोगिता २०२२ मा स्पेनले शानदार शुरुवात गरेको छ । बुधबार राति भएको खेलमा स्पेनले कोस्टारिकालाई ७-० गोल अन्तरले पराजित गर्दै विश्वकपमा शानदार शुरुवात गरेको हो ।
स्पेनको जितमा फेरान टोरेजले दुई गोल गरेका थिए भने डानी ओल्मो, मार्को असेन्सियो, गाभी, कार्लोस सोलेर र अल्भारो मोराटाले एक एक गोल गरेका थिए ।
यो स्पेनको विश्वकपमा अहिलेसम्मकै सबैभन्दा फराकिलो जित हो ।
उक्त जितसँगै समुह ई मा रहेको स्पेनको ३ अंक भएको छ र समुहमा शिर्ष स्थानमा रहेको छ ।
यस समुहमा बुधबार नै सम्पन्न खेलमा जापानले जर्मनीमाथि शानदार जित निक्लादै ३ अंक बटुलेको छ । जापान समुहमा दोस्रो स्थानमा रहेको छ ।
