काठमाडौं । कतार फिफा विश्वकप फुटबलमा क्यानडालाई १-० ले हराउँदै बेल्जियमले विजयी सुरुवात गरेको छ ।
अहमद बिन अलि स्टेडियममा बुधबार राति मिसी बात्सुयीको निर्णायक गोलमा बेल्जियमले महत्वपूर्ण तीन अंक जोडेको हो । उनले खेलको ४४औं मिनेटमा गरेका गोल नै निर्णायक बन्यो ।
यस अघि खेलको ११औं मिनेटमा क्यानाडाका अल्फन्सो डाभिसले पाएको पेनाल्टी सदुपयोग गर्न सकेनन् । उनको पेनाल्टी बेल्जियम गोलरक्षक कोर्टुवाले बचाएका थिए ।
उक्त जितसँगै समूह एफमा बेल्जियमले तीन अंक जोडेको छ । क्यानाडाको कुनै अंक छैन ।
