काठमाडौं । फिफा विश्वकप फुटबल प्रतियोगिता २०२२ मा स्विट्जरल्यान्डले विजयी सुरुवात गरेको छ ।
बिहीबार अल जानुब स्टेडियममा क्यामरुनलाई १-० गोलले हराउँदै स्विट्जरल्यान्डले विजयी सुरुवात गरेको हो ।
स्विट्जरल्यान्डको जितमा ब्रिल एम्बोलोले निर्णायक गोल गरे ।
निकै रोमाञ्चक बनेको खेल पहिलो हाफ गोलरहित बराबरीमा सकिएको तर दोस्रो हाफमा स्विट्रल्यान्डले गोल गरि खेलमा जित निकाल्न सफल भयो । उसका लागि खेलको ४८औं मिनेटमा साकिरीको पासमा एम्बोलोले गोल गरेका थिए ।
उक्त जितसँगै स्विट्जरल्यान्डले पहिलो खेलमा ३ अंक जोडेको छ । समूह जी मा रहेको स्विट्जरल्यान्ड शीर्ष स्थानमा रहेको छ ।
