काठमाडौं । विश्वकप क्रिकेट लिग २ अन्तर्गत नामिबिया त्रिकोणीय सिरिजको नेपाल र नामिबियाबीचको खेल वर्षाका कारण रद्द भएको छ । टस हारेर पहिले ब्याटिङ गरेको नेपालले नामिबियालाई १९८ रनको लक्ष्य दिएको थियो ।
नामिबियाले ४ बल ब्याटिङ गर्दा वर्षा सुरु भएको थियो । त्यसपछि खेल हुन सकेन । खेल नभएपछि दुवै टिमले एक एक अंक बाँडेका छन् ।
उक्त बराबरीसँगै नेपालले २१ खेलबाट १८ अंक जोड्दै छैटौं स्थानमा रहेको छ ।
