काठमाडौं । फिफा विश्वकप २०२२ अन्तर्गत पोल्याण्डलाई हराउँदै साविको विजेता फ्रान्स क्वाटरफाइनलमा प्रवेश गरेको छ ।
आइतबार राति भएको अन्तिम १६ को खेलमा फ्रान्सले पोल्यान्डमाथि ३-१ गोलको सहज जित निकाल्ने हो ।
पहिलो हाफमा ओलिभर जिरुडको गोलमा सुरुवाती अग्रता बनाएको फ्रान्सको लागि दोस्रो हाफमा सुपर स्टार फरवार्ड एमबाप्पेले २ गोल गरे । जिरुडले खेलको ४४औं मिनेटमा केलियन एमबाप्पेको पासमा सुन्दर गोल गरेका हुन् । उक्त गोलसँगै जिरुडले फ्रान्सका लागि सर्वाधिक ५२औं गोल गर्ने खेलाडीको कीर्तिमान आफ्नो नाममा बनाएका छन् ।
एमबाप्पेले खेलको ७४औं मिनेटमा उसमान डेम्बेलेको पासमा दर्शानिय गोल गरि फ्रान्सको २-० गोलको अग्रता दिलाए ।
यस्तै उनले इन्जुरी समयको पहिलो मिनेटमै पुनः सुन्दर गोल गरे भने खेलको अन्तिम मिनेटमा पोल्यान्डले पेनाल्टीको मौका पायो जसमा कप्तान लेवन्डोस्कीले गोल गरि खेल ३-१ को अबस्थामा ल्याए पनि टोलीको हार टार्न सकेनन् ।
उक्त जितसँगै फ्रान्स क्वाटरफाइनलमा प्रवेश गरेको छ । फ्रान्सले अब आजै राति हुने इंग्ल्यनण्ड र सेनेगल बीचको विजेता सँग सेमिफाइनल प्रवेशको लागि प्रतिस्पर्धा गर्नेछ ।
