पहिलो पटक नेपाल क्रिकेट संघ क्यानले आयोजना गर्न लागेको नेपाल टी २० लिग प्रतियोगिताको मिति फेरि सरेको छ ।
यसअघि असोज कार्तिकमा आयोजना गर्ने गरि मिति तय भएको थियो ।
नेपाल टी २० लिग यसअघि चुनावको कारण देखाउँदै पर सारिएको प्रतियोगिता डिसेम्बर ११ तारिखदेखि सुरु गर्ने भनिएको थियो ।
तर नेपाल क्रिकेट संघ क्यानले बिहिबार एक विज्ञप्ति जारी गर्दै प्रतियोगिता डिसेम्बर २३ तारिखदेखि सुरु गर्ने जनाएको छ ।
यसैगरी नेपाल क्रिकेट संघ क्यानले नयाँ फ्रेन्चाइज टिम पनि सार्वजनिक गरेको छ । यसअघि तय भएको काठमाडौं गोर्खाज प्रतियोगिताबाट बाहिरिए पछि काठमाडौं नाइट नामको नयाँ टोली सार्वजनिक गरिएको हो ।
पहिलो संस्करणको नेपाल टी २० लिगमा ६ टिमले सहभागिता जनाउने छन् ।
