विश्वकपमा हाल प्रयोग भइरहेको बललाई प्रतिस्थापन गर्दै फिफाले प्रतियोगिताको अन्तिम चरणमा नयाँ बल प्रयोग गर्ने भएको छ । सेमिफाइनल र फाइनल खेलमा हाल प्रयोग भइरहेको एडिडासको ‘अल रिहला’ मोडललाई ‘अल हिल्म’ मोडलले प्रतिस्थापन गर्ने फिफाले आइतबार जानकारी दिएको हो ।
‘अल हिल्म’ को अर्थ अरबी भाषामा ‘सपना’ हो । अल रिहलाको अर्थ ‘यात्रा’ थियो । यो हप्ता पहिलो सेमिफाइनलमा अर्जेन्टिना र क्रोएसिया भिड्नेछन् भने दोस्रो सेमिफाइनलमा फ्रान्स र मोरक्को प्रतिस्पर्धा गर्नेछन् ।
