काठमाडौं । पहिलो संस्करणको फ्रेन्चाइज क्रिकेट प्रतियोगिता नेपाल टी२० लिग अन्तर्गत दोस्रो दिनको दोस्रो खेलमा जनकपुर रोयल ५ विकेटले विजयी भएको छ ।
आइतबार त्रिवि क्रिकेट मैदानमा भएको खेलमा पोखरा एभेन्जर्सले दिएको १३८ रनको लक्ष्य जनकपुरले १७.४ ओभरमा ५ विकेट गुमाएर पुरा गर्यो ।
जनकपुरको जितमा सन्दीप जोराले सर्वाधिक ३९ रन बनाए । यस्तै सागर पुनले ३८ रन, चाडविक वाल्टनले १९ र राजेश पुलामी मगरले ९ रन बनाएर आउट भए ।
यता पोखराका लागि जाहिर खानले ३ विकेट लिए । सरद भेषवाकर र मौसम ढकालले एक एक विकेट लिए ।
यसअघि टस हारेर पछिले ब्याटिङ गरेको पोखरनले १९.४ ओभरमा सबै विकेट गुमाएर १३८ रन बनाएपछि जनकपुरले १३९ रनको लक्ष्य पाएको थियो ।
पोखराको लागि आशिफ शेखले ५० रनको अर्धशतकीय इनिङ पूरा गरे । उनले ३९ बलमा ४ चौका र २ छक्काको सहयोगमा ५० रन बनाएर आउट भए । यस्तै सिद्धान्त लोहनी २८ रन, अमिर हमाजले १८ रन र प्रतिस जिसीले २८ रनको आक्रमक पारी खेले । उनले १८ बलमा ४ चौकासहित २८ रनमा आउट भए ।
यता जनकपुरको लागि केसरिक विलियम्सले सर्वाधिक ३ विकेट लिए ।
उक्त जितसँगै जनकपुरले विजयी सुरुवात गरेको छ भने पोखराले लगातार दोस्रो हार ब्यहोरेको छ । यसअघि आफ्नो पहिलो खेलमा शनिबार काठमाडौंसँग पोखरा २६ रनले पराजित भएको थियो ।
