काठमाडौं । राजधानीमा जारी पहिलो संस्करणमको नेपाल टी२० लिगमाा लुम्बिनी अल स्टाले लगातार तेस्रो जित निकालेको छ ।
मंगलबार त्रिबि क्रिकेट मैदानमा भएको खेलमा पोखरा एभेन्जर्सलाई ३ विकेटले पराजित गरेको हो ।
पोखराले दिएको १३४ रनको लक्ष्य लुम्बिनीले ७ विकेट गुमाएर अन्तिम बलमा छक्का प्रहार गरि पूरा गरेपछि विजयी भएको हो ।
लुम्बिनीका लागि कुशल भुर्तेले सर्वाधिक ३९ रनको यागदान दिए । यस्तै शेडली भेनले ३१ रनमा अविजित रहे । उन्मुक्त चन्दले २२ रन, अनिल शाह १९ रन र गुलसन झाले १० रन बनाए ।
यता पोखराको लागि कुशल मल्ल र बिपि खत्रीले समान २/२ विकेट लिए ।
उक्त जितसँगै लुम्बिनीले लगातार तेस्रो जितका साथ ६ अंक जोड्दै तालिकाको शीर्ष स्थानमा रहेको छ । यता पराजित पोखरा भने लगातार तेस्रो खेलमा पराजित भएको हो ।
