काठमाडौं । पहिलो संस्करणको नेपाल टी२० लिगमा पोखरा एभेन्जर्सले लुम्बिनी अल स्टारलाई ९ विकेटले पराजित गरेको छ ।
शनिबार त्रिबि क्रिकेट मैदानमा लुम्बिनीले दिएको १२८ रनको लक्ष्य पोखराले १८.२ ओभरमा १ विकेट गुमाएर पूरा गर्यो ।
पोखराको जितमा आशिफ शेख र आरिफ शेख दाजुभईले ९५ रनको सानदार पारि खेले । पोखराको लागि आशिफले ७७ रनको अर्भशतकीय इनिङ खेले भने आरिफ २६ रनको योग्दान दिए । यस्तै सुमित महर्जन १३ रनमा आउट भए ।
यता लुम्बिनीका लागि किशोर महतोले एक विकेट लिए ।
त्यसअघि टस जितेर पहिले ब्यटिङ गरेको लुम्बिनीले १९.५ ओभरमा सबै विकेट गुमाएर १२७ रन बनाएपछि पोखराले १२८ रनको लक्ष्य पाएको थियो ।
लुम्बिनीका लागि हसमित सिंहले सर्वाधिक ३८ रन बनाए । यस्तै श्याड्ली भानले १६ रन, सुनिल धमला १५, योगेन्द्र सिंह कार्की १३, कप्तान दिपेन्द्र सिंह ऐरी र ह्यारी समान १० रन बनाए ।
यता पोखराको लागि बिपिन खत्री र जाहिर खानले समान ३ विकेट लिए भने तुल बहादुर थापा र सिदान्त लोहनीले समान एक विकेट लिए ।
उक्त जितसँगै पोखराले लगातार दोस्रो जित निकालेको हो । जारी लिगमा लगातार पाँच खेलमा पराजित भएको पोखराले लगातार दोस्रो जित निकाल्ने क्रममा पाँच खेल जितेको लुम्बिनीलाई पराजित गरेको हो ।
यता हारे पनि लुम्बिनी १० अंकका साथ शीर्ष स्थानमा रहेको छ भने पोखरा चोथौ स्थानमा उक्लिएको छ ।
