काठमाडौँ । साउदी प्रो लिग पुटबलमा अल नासरले आल टाएलाई पराजित गरेको छ ।
शुक्रबार राति भएको खेलमा अल नासरले अल टाएलाई २-० गोल अन्तरले पराजित गरेको हो ।
अल नासरको जितमा टालीस्काले दुवै गोल गरेका थिए ।टालिस्काले खेलको ४२ र ४७औं मिनेटमा गोल गर्दै अल नासरलाई जिताएका थिए ।
उक्त जितसँगै अल नासर जारी सजिनको साउदी प्रो लिगमा १२ खेलबाट २९ अंकसाथ लिग तालिकाको शीर्ष स्थानमा रहेको छ ।
यता पराजित अल टाएले भने समान १२ खेलमा १८ अंक रहेको छ र लिगमा सातौ स्थानमा रहेको छ ।
यस खेलमा सुपर स्टार क्रिस्टियानो रोनाल्डो भने खेलेका थिएनन् । रोनाल्डोमाथि इंग्ल्याण्ड फुटबल फेडेरेसनले लगाएको २ खेलको प्रतिबन्धका कारण रोनाल्डोको डेब्युपछि सरेको हो । रोनाल्डोले अब जनवरी २२ मा मात्र अल नासरमा डेब्यु गर्न सक्ने बताइएको छ ।
यस खेलमा रोनाल्डोले अल नासरको भिआइपी बक्सबाट खेल हेरेका थिए ।
