काठमाडौँ । बार्सिलोना स्पेनिस नकआउट फुटबल प्रतियोगिता सुपरकोपाको फाइनलमा पुगेको छ ।
साउदी अरबको रियादमा बिहिबार राति भएको खेलमा बार्सिलोनाले रियल बेटिसलाई पेनाल्टी सुटआउटमा ४(३ गोल अन्तरले पराजित गर्दै बार्सिलोना सुपरकोपाको फाइनलमा पुगेको हो ।
निर्धारित ९० मिनेटको खेलमा दुवै टिमले १-१ गोल गरेपछि खेल ३० मिनेटको अतिरिक्त समयमा खेलाइएको थियो । अतिरिक्त समयमा दुवै टिमले थप १-१ गोल गरेपछि खेल २-२ गोलको बराबरीमा सकिएपछि खेलको निर्नायं पेनाल्टी सुटआउटबाट गरिएको थियो ।
बार्सिलोनाका लागि रोबेर्ट लेवानडोस्की र अन्सु फातिले एक एक गोल गरेका थिए भने रियल बेटिसका लागि नाबिल फेकिर र लोरेन्जो जिससले १/१ गोल गरेका थिए ।
त्यसपछि भएको पेनाल्टी सुटआउटमा बार्सिलोना ४-२ गोलले विजयी भएको थियो ।
अब सुपरकोपाको फाइनलमा बार्सिलोनाले रियल म्याड्रिडको सामना गर्ने भएको छ । यस बर्षको सुपरकोपा एल क्लासिको हुने भएको हो ।
