काठमाडौँ । साउदी सुपर कप अन्तर्गत क्रिस्टियानो रोनाल्डो आवद्ध अल नासर पराजित भएको छ ।
बिहिबार राति भएको खेलमा अल नासरलाई अल ईट्टीहाद क्लबले ३-१ गोल अन्तरले पराजित गरेको हो ।
अल ईट्टीहादको जितमा रोमारिन्हो, अबदेराजक हम्दल्लाह र मुह्नाद अल सहनकीतले एक एक गोल गरेका थिए । त्यस्तै अल नासरका लागि टालिस्काले एक गोल गरेका थिए ।
उक्त जितसँगै अल ईट्टीहाद साउदी सुपर कपको फाइनलमा पुगेको छ ।
यस्तै क्रिस्टियानो रोनाल्डोले अल नासरका लागि खेलेको दोस्रो खेलमा हार बेहोरेका छन् भने उनले अल नासरका लागि अझै गोलको खाता भने खोल सकेका छैनन् । रोनाल्डोले साउदीमा पिएसजीविरुद्ध अल स्टार्सको नेतृत्व गर्दै खेलेको खेलमा भने २ गोल गरेका थिए ।
