काठमाडौं । एन्फा कम्प्लेक्समा विशेष समारोहको बिच अखिल नेपाल फुटबल संघ (एन्फा)ले पाँच रेफ्री र सात सहायक रेफ्रीलाई बुधबार २०२३ का लागि ब्याच प्रदान गरेको छ ।
ब्याच पाउने रेफ्री अञ्जना राई, नवीन्द्र महर्जन, कविन ब्याञ्जनकार, प्रज्वल क्षेत्री र प्रकाशनाथ श्रेष्ठले फिफा रेफ्री ब्याच पाए भने राधिका शाक्य, नानीराम थापा मगर, माधव केसी, युनाल मल्ल, सहदेव श्रेष्ठ, विक्रम चौधरी र किशन कन्याले फिफा सहायक रेफ्री ब्याच प्राप्त गरे ।
एन्फाका वरिष्ठ उपाध्यक्ष वीरबहादुर खड्का, महासचिव किरण राई र एन्फा रेफ्री संघका अध्यक्ष बुद्धिबहादुर गुरुङले रेफ्रीहरुलाई ब्याज वितरण गरेका थिए ।
वितरण कार्यक्रममा एन्फा रेफ्री संघका महासचिव बलराम थापा, कोषाध्यक्ष सचिन अमात्य र सदस्य शैलेश जोशीको पनि उपस्थिति रहेको थियो ।
