काठमाडौँ । फ्रेन्च फवारर्ड किलियन एम्बाप्पे घाइते हुँदा कम्तिमा तीन साता मैदानबाट बाहिर हुने भएका छन् ।
पिएसजीको पछिल्लो मोन्टपेल्लीएरविरुद्धको खेलमा एम्बाप्पे घाइते भएपछि २१औं मिनेटमा नै मैदान छोडेका थिए ।
पिएसजीले एम्बाप्पे कम्तिमा तीन साता मैदान बाहिर रहने जानकारी दिएको छ ।
योसँगै एम्बाप्पे फेब्रुअरी १४ मा हुने च्याम्पियन्स लिग अन्तर्गतको राउण्ड १६ को पहिलो लिगमा बायर्न म्युनिखविरुद्ध खेल्न नसक्ने भएका छन् । यसलाई पिएसजीओ लागि ठुलो झट्काको रुपमा हेरिएको छ ।
एम्बाप्पेले यस सिजनमा पिएसजीका लागि २६ खेलमा २५ गोल गरेका छन् ।
