काठमाडौँ । इंग्लिस प्रिमियर लिग फुटबल अन्तर्गत उल्भ्ससँग लिभरपुल पराजित भएको छ ।
शनिबार राति भएको खेलमा उल्भ्सले लिभरपुललाई ३-० गोल अन्तरले पराजित गरेको हो ।
उल्भ्सको जितमा क्रेग डावसन र रुबेन नेभेजले गोल गरेका थिए भने एक गोल लिभरपुलका जोएल माटिपले आत्मघाती गोल गरेका थिए ।
यस सिजनमा लिभरपुलले आफ्नो खराब प्रदर्शनलाई निरन्तरता दिदै योसहित सातौ हार बेहोरेको छ । जारी सिजन लिभरपुलले २० खेलमा ८ जित ५ बराबरी र ७ हारसहित २९ अंक बटुलेको छ र लिगमा १०औं स्थानमा झरेको छ ।
यता उल्भ्सको २१ खेलमा २० अंक भएको छ र लिगमा १५औं स्थानमा उक्लिएको छ ।
