काठमाडौं । बंगलादेशमा जारी साफ यू–२० महिला च्याम्पियनसिप फुटबलको दोस्रो खेलमा नेपालले आज भुटानसँग प्रतिस्पर्धा गर्दैछ ।
ढाकास्थित विर श्रेष्ठ शहिद सिपाही मुस्तोफा कमल स्टेडियममा नेपाल र भुटानबीचको खेल दिउँसो ३:१५ बजेदेखि सुरु हुने छ ।
आफ्नो पहिलो खेलमा घरेलु टोली बंगलादेशसँग पराजित भएको नेपाल आज पहिलो जित निकाल्ने लक्ष्यमा हुने छ । पहिलो खेलमा नेपाल बंगलादेशसँग ३-१ गोल अन्तरले पराजित भएको थियो ।
उता, भुटान भने आफ्नो पहिलो खेलमा भारतसँग १२-० को हार व्यहोर्न बाध्य बनेको थियो ।
