काठमाडौं । इंग्लिस प्रिमियर लिग फुटबलमा म्यानचेस्टर सिटी टोटेनहम हट्स्परसँग पराजित भएको छ ।
दोस्रो स्थानमा रहेको सिटी टोटेनहमसँग १–० गोल अन्तरले पराजित भएको हो ।
टोटेनहमलाई जिताउन १ मात्र गोल हेरि केनले गरेका थिए । उनले १५ औं मिनेटमा पेरि होजवर्गको पासमा गोल गर्दै अग्रता दिलाए ।
सुरुमै १ गोलले पछि परेको सिटीले खेल अवधिभर फर्काउने प्रयासमा सफल भएन ।
८७ औं मिनेटमा टोटेनहमका क्रिष्टियन रोमेरो दोहोरो पहेँलो कार्ड रातो कार्ड पाउँदै मैदान छाडेपछि अन्तिम केही मिनेट १० खेलाडीमा झरे पनि त्यसको फाइदा सिटीले उठाउन सकेन ।
उक्त जितसँगै टोटेनहम २२ खेलबाट ३९ अंक जोड्दौ तालिकाको ५ औं स्थानमा रहेको छ । यता पराजित भएपछि सिटीले शीर्ष स्थानको आर्सनलसँग अंक दूरी घटनाउने मौका गुमाउन पुग्यो ।
सिटी ४५ अंकका साथ लिग तालिकाको दोस्रो स्थानमा रहेको छ भने आर्सनल ५० अंकसहित शीर्ष स्थानमा रहेको छ ।
प्रिमियर लिग अन्तर्गत अर्को खेलमा नटिङघम फरेस्टले लिड्स युनाइटेडलाई १–० गोल अन्तरले पराजित गरेको छ । जितसँगै नटिङघम १३ औं स्थानमा रहेको छ भने लिड्स १७ औं स्थानमा रहेको छ ।
