काठमाडौं । नेपाली राष्ट्रिय क्रिकेट टिमका मुख्य प्रशिक्षकमा मोन्टी देसाईलाई नियुक्त भएका छन् ।
नेपाल क्रिकेट संघ (क्यान)ले सोमबार पत्रकार सम्मेलन गरि देसाईलाई नियुक्त गरेको जनाएको छ । देसाले एक हप्ताअघि नै नेपाली टिमलाई प्रशिक्षण दिएका थिए । राष्ट्रिय खेलकुद परिषद्ले स्वीकृति नदिँदा नियुक्ति समयमै भएको थिएन ।
क्यानले पाँच जना सर्ट लिष्टबाट मोन्टीलाई नियुक्त गरेको हो । अघिल्लो महिना भारतीय प्रशिक्षक मनोज प्रभाकरलाई हटाएपछि रिक्त रहेको पदमा क्यानले खुला आवेदन मागेको थियो ।
